play_arrow

Friuli Doc 2022

FriuliDoc 2022 – Cjalsons dolci della Carnia – Confesercenti Udine

today15 Agosto 2022

Sfondo
share close
AD
  • cover play_arrow

    FriuliDoc 2022 - Cjalsons dolci della Carnia - Confesercenti Udine redazione


CJARSONS DOLÇS DE CJARGNE de CONFESERCENTI UDIN

INGREDIENTS par 4 personis:
• 300 gr di farine di flôr 00
• 50 gr di aghe
• 1 sedon di vueli extravergjin di ulive
• 500 gr di patatis
• 70 gr di spongje
• ½ cevole blancje
• ce che al covente di savôrs
• ce che al covente di mazorane
• ce che al covente di tim
• 100 gr di blede
• 1 limon
• 1 sedon di cacau amâr
• 20 gr di ue calabrie
• ce che al covente di canele in polvar
• 1 sedon di farine di blave
• 60 gr di scuete
• ce che al covente di scuete fumade

PROCEDIMENT:
Par fâ la sfueade lavorâ 250 gr di farine cun aghe, sâl e vueli fin a vê un impast slis. Lassâ polsâ dut par 30 minûts. Lessâ lis patatis, sfracaiâlis e lassâ che si disfredin. Lessâ la blede, striçâle e masanâle cu lis jerbis aromatichis. Lassâ in muel la ue calabrie e scaltrî la cevole inte fersorie cu 20 gr di spongje. Intune cite misturâ ducj i ingredients. Slargjâ la sfueade e fâ cerclis di 6 cm di diametri. Par ogni discut di paste meti une sedonute di farse e sierâlu fracant ben i ôrs.
Cuei i cjarsons inte aghe salade. Disfâ la spongje cu la farine di blave, disgotâ i cjarsons e cuinçâju cu la morcje e infin gratâur parsore un pocje di scuete fumade.

LU SAVEVISTU CHE…
I cjarsons a son i rafioi tradizionâls de Cjargne, tipics de cusine puare furlane. Si puedin jemplâ cun ingredients dolçs o salâts. La farse e je sierade te paste frescje, une vore elastiche, e dopo i cjarsons a vegnin cuinçâts cu la morcje (spongje disfate e farine di blave brustulade). No je une ricete uniche e uficiâl par vie che in ogni paîs e in ogni famee si dopre une version diferente.

Scolte la ricete in lenghe furlane:

[powerpress]


Friuli Doc 2022Podcastradiochef

Rate it
AD

Sciroppo di Trap

con Jo dj
0%