FriuliDoc 2022 – Frico in forno

FRICO TAL FOR di CRISTINA SCAURI di PALME

INGREDIENTS:
500 gr di patatis
500 gr di formadi (plui di dut fresc e un pôc stagjonât; si pues fâ une misture di formadis a plasê)
Ce che al covente di sâl

PREPARAZION:
Taiâ a tocuts i formadis frescs e gratâ chei stagjonâts. Spelâ lis patatis e cueilis a vapôr. Cuant che a son cuetis metilis ancjemò cjaldis intune tecje, taiâlis a tocs, scliçâlis cuntun piron e salâ. Zontâ i formadis e meti tal for za cjalt par 10 minûts a 180°. Gjavâ la tecje e messedâ dut ben. Tornâ a meti tal for par 20-30 minûts fin che parsore nol devente dorât. Tirâ fûr dal for, servî tal plat e mangjâ ancjemò cjalt cuntune buine polente dongje. Ta cheste recipe di fonde, dilunc de preparazion si puedin zontâ altris ingredients che us plasin par rindi il plat ancjemò plui gustôs.

Scolte la ricete in lenghe furlane:

Friuli Doc 2022PodcastRadiochef