FriuliDoc 2022 – Linguine con gialletti, pecorino e mandorle

LINGUINE CUI FONCS ZALUTS, PEGORIN E CREME DI MANDULIS di MARINA TERRAZZER di UDIN

INGREDIENTS:
360g di linguine
500g di foncs zaluts (o pivis)
250g di pegorin gratât
1 sedon di creme di mandulis
Vin blanc
Savôrs
Ce che al covente di sâl e pevar
4 sedons di vueli extravergjin di ulive
3 spîs di ai
½ tace di aghe cirche

PREPARAZION:
Intune fersorie, scaltrî i spîs di ai cuntun fîl di vueli, zontâ i foncs za lavâts e taiâts grues. Bagnâ cul vin blanc e fâ svaporâ, meti sâl e pevar e fâ cuei ancjemò par 5 minûts. Pe “cidele” di pegorin: meti tal mieç di une fersorie antiaderente dôs sedons di pegorin e cuei fin che si indore. Fânt une par ogni plat.
Pe creme di pegorin: zontâ il formadi restât, la creme di mandulis, pevar e aghe clipe, un pocje par volte. Messedâ fin che no ven cremose trop che si vûl. Cuei la paste, disgotâle e amalgamâ cu la creme e i foncs. Meti tal plat e compagnâ cu la “cidele” di pegorin e i savôrs masanâts.

Scolte la ricete in lenghe furlane:

Friuli Doc 2022Podcastradiochef