FriuliDoc 2022 – Pizzette fritte sclopit e crudo

PIZUTIS FRITIS CUN SCLOPIT E CRÛT D S. DENÊL di ROSA MASIERO di UDIN

INGREDIENTS:
125 ml aghe
250 gr farine “fuarte”, tant che la Manitoba
4 gr levan di bire fresc

PROCEDIMENT:
Par l’impast: sfruçonâ il levan di bire intun pocje di aghe e messedâ cuntun cucjarin fin cuant che si disfe. Meti la farine intune terine e butâi parsore il levan disfat cu la aghe.
Lavorâ l’impast fin a vê un pagnut slis e omogjeni, lassâ polsâ tal frigorifar te terine taponade cuntun peçot par une gnot e po fâ jevâ a temperadure ambient fin cuant che il volum nol devente dopli. Dividi l’impast in porzions e lassâlu polsâ taponât intun lûc sut. Puartâ a temperadure (massime 180°) une padiele grande cun vueli di semence. Meti lis balutis di impast suntun plan infarinât e slargjâ un pôc cui dêts fin a vê i discs e fâur cualchi busute. Meti lis pizutis tal vueli, scliçâ un pôc tal mieç e cuant che si son indoradis, disgotâlis cuntune cjace forade e poiâlis su la cjarte di cusine. Cuinçâ a plasê. Si consee cun persut crût e sclopit.

Scolte la ricete in lenghe furlane:

Friuli Doc 2022PodcastRadiochef