play_arrow

Friuli Doc 2022

FriuliDoc 2022 – Risotto Montasio e pere

today15 Agosto 2022

Sfondo
share close
AD
  • cover play_arrow

    FriuliDoc 2022 - Risotto Montasio e pere redazione


RISOT MONTASIO E PIRUÇS di TIZIANA BELLINI di UDIN

INGREDIENTS PAR 4 PERSONIS:
320 gr di rîs
2 piruçs
1 cevole
100 gr di formadi Montasio di stagjonadure medie
Spongje
1/2 tace di vin blanc sec

Pal brût:
1 cueste di selino
1 carote
1/2 cevole
1 sedonute di sâl
1 litri di aghe

PROCEDIMENT:
Meti a boli la aghe cul selino, la carote, la cevole e il sâl. Fâ cuei par 30 minûts.
Taiâ la cevole a miezis lunis finis e scaltrîlis cu la spongje intune caçarole a fûc bas.
Spelâ i piruçs; taiâ un a cubuts e scaltrîlu cu la cevole, chel altri taiâlu a fetutis e caramelâlu te fersorie cu la spongje: al coventarà par decorâ. Zontâ il rîs te cevole e tal piruç inmorbidîts e brustulâ par cualchi minût, sfumâ cul vin blanc, fâ svaporâ e zontâ il brût un pôc par volte. Cuant che il rîs al è al dint, studâ il fûc, meti il Montasio taiât a cubuts e mantecâ, messedant in maniere delicade. Lassâ polsâ taponât e servî cun fetutis di piruç caramelât, la salse dai piruçs cuets te spongje e pevar blanc masanât.

www.ilfogolar.com

Scolte la ricete in lenghe furlane:


Friuli Doc 2022Podcastradiochef

Rate it
AD
0%